Qarshining «Nasaf» klubi sobiq bosh murabbiyli Anatoliy Demyanenko yangi tashkil qilingan Kiyev shahri futbol federasiyasi prezidenti etib saylandi. Bu haqda Vladislav Vashchuk o‘zining Facebook‘dagi sahifasida ma’lum qildi.

Manbaga ko‘ra, Demyanenkoga saylovda aynan «Dinamo» Kiyev va «Spartak» jamoalari sobiq futbolchi Vladislav Vashchuk raqobat qilgan. Natijalarga ko‘ra, Demyanenko saylovda g‘olib chiqqan. Vashchuk uning o‘rinbosari sifatida faoliyat olib boradigan bo‘ldi.

Qiziq tomoni, mazkur tashkilot Kiyev futbol federasiyasidan alohida, lekin unga muqobil tashkilot sanaladi. Tashkilotni tuzish bo‘yicha bosh g‘oya aynan Vashchukka tegishli bo‘lgan. Alohida tashkilot tuzishdan maqsad nima ekani hozircha noma’lum bo‘lib qolmoqda.

Eslatib o‘tamiz, «Nasaf» bilan 2011 yilda OFK kubogi bosh sovrinini qo‘lga kiritgandi. «Nasaf»dan tashqari u «Dinamo» Kiyev, «Neftchi» Boku va «Volin» kabi jamoalarida ishlagan.