“Arsenal” himoyachisi Ektor Belyerin klubini almashtirishi mumkin.

Ma’lumotlarga ko‘ra, “Real” prezidenti Florentino Peres 22 yoshli ispaniyalik futbolchini xarid qilmoqchi.

Belyerin, aslida, “Barselona” tarbiyalanuvchisi hisoblanadi. Biroq Kataloniya klubi tarkibida umuman maydonga tushmagan, u 15 yoshida “Arsenal”-U18 jamoasi safiga kelib qo‘shilgan.

Joriy mavsumda Belyerin 32 ta o‘yinda maydonga tushib, 3 ta gol urdi va 1 ta golli uzatmani amalga oshirdi. “Transfermarkt” uni 35 mln yevroga baholagan.