«Atletiko» Ispaniya Primerosi 23-turida «Malaga» maydonida urilgan yagona gol evaziga 3 ochko oldi.

Hisobni 1-daqiqadayoq ochgan fransiyalik hujumchi esa golni ramziy nishonlash asnosida o‘zini tanqidlar bo‘ronidan himoya qildi.

Ispaniya futboli 2 haftaki, qayg‘uda. Motamning sababi - «Alsira» jamoasining 15 yoshli futbolchisi Nacho Barbera o‘yin paytidagi yurak xuruji oqibatida hayotdan ko‘z yumdi. Ushbu ko‘ngilsizlik kattalar futbolini ham aslo befarq qoldirmadi, albatta.

Misol uchun, «Valensiya» va «Barselona» vakillari Barbera o‘limi munosabati bilan o‘yindan oldin bir daqiqalik sukut saqlashni lozim topishdi. «Atletiko» hujumchisi Antuan Grizmann esa o‘smir yigit xotirasiga individual tarzda hurmat bajo keltirdi.

U «Malaga»ga qarshi kechgan uchrashuvning 40-soniyasidayoq hisobni ochdi va golni har galgidan boshqacharoq nishonladi: orqasiga Nacho Barbera yozuvi tushirilgan 7-raqamli futkolkani ma’yusgina baland ko‘tardi. Qarangki, bu gol o‘yin-da yagonaligicha qolgach, Grizmanning xatti-harakati yanada kattaroq ma’no kasb etdi.

Ha, buning uchun Antuanni alohida hurmat qilishlari aniq. Valolanki, fransuz yigiti oxirgi vaqtlarda keskin tanqidlarga uchrayotgandi. Ayniqsa, «matraschilar» fanatlari undan rosa xafalar.

Gap shundaki, DAVOMI

InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.