"Manchester Siti" bosh murabbiyi Xosep Gvardiola Angliya ligasi kubogi finalida "Arsenal" bilan uchrashuv oldidan fikrlari bilan o‘rtoqlashdi.

"Futbolchilik davrimda Vengerning qo‘l ostida o‘ynashni istagandim. Men unga qo‘ng‘iroq qildim va u meni uyiga taklif qilgan edi. U o‘zini juda muloyim tutdi. Men premyer-ligada uning qo‘l ostida o‘ynash istagimni bildirdim. Balki, o‘zimga ortiqcha ishonib yuborgandirman, ammo u yumshoqlik bilan tarkib shakllanib bo‘lgani va bo‘sh joy yo‘qligini aytgan edi. Men buni to‘g‘ri tushunganman, shuning uchun oramizda hech qanday muammo yo‘q", - deydi Gvardiola.

Eslatib o‘tamiz, Gvardiola futbolchilik faoliyatini "Barselona"da o‘tkazgan.