Avvalroq, yengil atletik bo‘yicha sakkiz karra olimpiya chempioni Useyn Bolt futbol klubi bilan shartnoma imzolagani haqida xabar bergandik.
Yamaykalik 31 yoshli sprinter avvalroq Dortmund “Borussiya”sida ko‘rikdan o‘tishi va “Manchester Yunayted”da o‘ynash orzusi haqida bildirgan edi.
Ammo Bolt Janubiy Afrikaning “Mamelodi Sandaunz” klubi sharafini himoya qiladigan bo‘ldi. Bu haqda AS.com nashri “Mamelodi Sandaunz” futbol klubining tvitterdagi sahifasiga tayanib xabar berdi.
“Futbol hech qachon bir xil bo‘lib qolmaydi. Ertaga ertalab soat 08:00da”, deya yozadi Boltning futbolchilik faoliyatidagi ilk jamoasi.
Klub hatto, Boltning bugungi mashg‘ulotlarda ishtirok etgan suratini ham yuklashga ulgurdi.
“Futbol klubi bilan shartnoma imzoladim. Qaysi klubligini esa seshanba kuni bilib olasiz”, - deya yozadi Bolt tvitterdagi sahifasida.
