Аввалроқ, енгил атлетик бўйича саккиз карра олимпия чемпиони Усейн Болт футбол клуби билан шартнома имзолагани ҳақида хабар бергандик.

Ямайкалик 31 ёшли спринтер аввалроқ Дортмунд “Боруссия”сида кўрикдан ўтиши ва “Манчестер Юнайтед”да ўйнаш орзуси ҳақида билдирган эди.

Аммо Болт Жанубий Африканинг “Мамелоди Сандаунз” клуби шарафини ҳимоя қиладиган бўлди. Бу ҳақда AS.com нашри “Мамелоди Сандаунз” футбол клубининг твиттердаги саҳифасига таяниб хабар берди.

“Футбол ҳеч қачон бир хил бўлиб қолмайди. Эртага эрталаб соат 08:00да”, дея ёзади Болтнинг футболчилик фаолиятидаги илк жамоаси.

Клуб ҳатто, Болтнинг бугунги машғулотларда иштирок этган суратини ҳам юклашга улгурди.

“Футбол клуби билан шартнома имзоладим. Қайси клублигини эса сешанба куни билиб оласиз”, - дея ёзади Болт твиттердаги саҳифасида.