Bugun yoshlar ligasi start oladi. Yoshlarimiz 1-turda “Neftchi” yoshlari bilan kuch sinashadi. Uchrashuv Qirgulidagi “Neftchi” SKda soat 15:30da boshlanadi.
Zafar Xolmurodov boshchiligidagi jamoamiz, bu yildan deyarli yangilangan tarkibda maydonga tushadi.
Yoshlar ligasi, 1-tur
“Neftchi” (Farg‘ona) – “Nasaf” (Qarshi)
28.02.2018. Qirguli. “Neftchi” SK, 15:30da
Uchrashuv hakami: Jasur Muxtorov (Toshkent)
Jamoamiz “Neftchi” yoshlari bilan o‘tgan yilgi liganing har ikkala uchrashuvida ham durang qayd etgan. Dastlabki o‘zaro bahs Qarshida 9-tur doirasida bo‘lgan. Uchrashuv 1:1 hisobi bilan yakuniga yetgan. Keyingi uchrashuv 24-tur doirasida Farg‘onada bo‘lib o‘tgan, bu uchrashuv 2:2 hisobida yakuniga yetgan. Umuman keyingi ikki mavsumda bu jamoalar o‘rtasida g‘olib aniqlanmagan.
Bugun yoshlarimiz “Neftchi” yoshlari bilan o‘zaro 43-uchrashuvda maydonga tushadi.
Eng qizig‘i, vaqtida bir jamoa sharafini himoya qilgan ikki sobiq futbolchi, bugun yana bir marta o‘z shogirdlarini murabbiy sifatida maydonga boshlab tushishadi. Zafar Xolmurodov va Bahrom Haydarovlar vaqtida “Nasaf” jamoasida to‘p tepishgan.
