Бугун ёшлар лигаси старт олади. Ёшларимиз 1-турда “Нефтчи” ёшлари билан куч синашади. Учрашув Қиргулидаги “Нефтчи” СКда соат 15:30да бошланади.
Зафар Холмуродов бошчилигидаги жамоамиз, бу йилдан деярли янгиланган таркибда майдонга тушади.
Ёшлар лигаси, 1-тур
“Нефтчи” (Фарғона) – “Насаф” (Қарши)
28.02.2018. Қиргули. “Нефтчи” СК, 15:30да
Учрашув ҳаками: Жасур Мухторов (Тошкент)
Жамоамиз “Нефтчи” ёшлари билан ўтган йилги лиганинг ҳар иккала учрашувида ҳам дуранг қайд этган. Дастлабки ўзаро баҳс Қаршида 9-тур доирасида бўлган. Учрашув 1:1 ҳисоби билан якунига етган. Кейинги учрашув 24-тур доирасида Фарғонада бўлиб ўтган, бу учрашув 2:2 ҳисобида якунига етган. Умуман кейинги икки мавсумда бу жамоалар ўртасида ғолиб аниқланмаган.
Бугун ёшларимиз “Нефтчи” ёшлари билан ўзаро 43-учрашувда майдонга тушади.
Энг қизиғи, вақтида бир жамоа шарафини ҳимоя қилган икки собиқ футболчи, бугун яна бир марта ўз шогирдларини мураббий сифатида майдонга бошлаб тушишади. Зафар Холмуродов ва Баҳром Ҳайдаровлар вақтида “Насаф” жамоасида тўп тепишган.
