“Al-Garafa” a’zosi Uesli Snayder 2013 yilda nega “Liverpul”ni emas, “Galatasaroy”ni tanlaganini aytdi.

“Inter”dan ketganimda menga ko‘plab klublar qiziqqandi. Ularning orasida “Liverpul” ham bor edi. Men esa ko‘pchilikni hayron qoldirgan holda “Liverpul” taklifini rad etib, “Galatasaroy”ga o‘tgandim. Chunki men g‘olib bo‘lishga o‘rgangandim va sovrinlar yutib olmoqchi edim. O‘ylashimcha, to‘g‘ri yo‘l tutganman”, dedi Snayder.

Ma’lumot uchun, Snayder “Galatasaroy” bilan ikki marta Turkiya chempioni bo‘lgan hamda uch marta mamlakat kubogi va superkubogini qo‘lga kiritgan.