“Аль-Гарафа” аъзоси Уэсли Снайдер 2013 йилда нега “Ливерпул”ни эмас, “Галатасарой”ни танлаганини айтди.
“Интер”дан кетганимда менга кўплаб клублар қизиққанди. Уларнинг орасида “Ливерпул” ҳам бор эди. Мен эса кўпчиликни ҳайрон қолдирган ҳолда “Ливерпул” таклифини рад этиб, “Галатасарой”га ўтгандим. Чунки мен ғолиб бўлишга ўргангандим ва совринлар ютиб олмоқчи эдим. Ўйлашимча, тўғри йўл тутганман”, деди Снайдер.
Маълумот учун, Снайдер “Галатасарой” билан икки марта Туркия чемпиони бўлган ҳамда уч марта мамлакат кубоги ва суперкубогини қўлга киритган.