Oxirgi ikki o‘yinda 7 ta gol urgan "Atletiko" hujumchisi Antuan Grizmann fikrlari bilan o‘rtoqlashdi.

"O‘z o‘yinimdan va 4 ta golimdan mamnunman, ammo asosiysi - g‘alaba. "Barselona"ga qarshi o‘yinga ko‘tarinki kayfiyat bilan boramiz. "Kamp Nou"da omadimiz keladimi, ko‘ramiz.

Chempionlik poygasi? Oldinda 13 ta tur bor va biz qolgan barcha uchrashuvlarda g‘alaba qozonmoqchimiz. Keyin qaysi o‘rinni egallashimiz aniq bo‘ladi.

Bu g‘alabadan zavq olish kerak, bundan keyin ham muxlislarni shod qilishga harakat qilamiz. Men hayotda adashishim mumkin, xato gap aytishim mumkin, ammo maydonda benuqsonman", - deydi Grizmann.