Ozarboyjon futbol federasiyasi (AFFA) bosh kotibi Elxan Mamedov Argentina terma jamoasining Ozarboyjon bilan o‘rtoqlik uchrashuvi o‘tkazishni rejalashtirgani haqida xabarlarga izoh berdi.

"Bizga Argentinadan ham, Braziliyadan ham, yana Urugvaydan ham shunday takliflar tushib turadi. Ammo hozir 90 daqiqa uchun 2-3million yevro to‘lash - to‘g‘ri emas. Ammo homiy topilsa, buni ko‘rib chiqishimiz mumkin.

O‘rtoqlik uchrashuvlari uchun pul to‘lash tez-tez uchrab turadi. Ba’zi hollarda uchish va gonorarlar to‘lanadi. O‘tgan yillarda bizning termamizga ham o‘rtoqlik o‘yinlari o‘tkazish uchun pul to‘lashgan. Agar adashmasam, gonorar ham to‘lashgan. Albatta, Argentina yoki Braziliyachalik emas (kuladi). Umuman olganda Braziliya va Argentina ayni vaqtda eng qimmat jamoalar, undan so‘ng Urugvay va shu kabilar.

Chiqimni ham unutmaslik kerak, gonorardan tashqari yashash va parvozlarga ham to‘lash kerak bo‘ladi. Iqtisod shuni ko‘rsatyaptiki, bunday uchrashuvlar barcha xarajatlarni oqlagan taqdirda ham, uni tashkillashtirish qiyin", - deydi Mamedov.