Озарбойжон футбол федерацияси (АФФА) бош котиби Элхан Мамедов Аргентина терма жамоасининг Озарбойжон билан ўртоқлик учрашуви ўтказишни режалаштиргани ҳақида хабарларга изоҳ берди.

"Бизга Аргентинадан ҳам, Бразилиядан ҳам, яна Уругвайдан ҳам шундай таклифлар тушиб туради. Аммо ҳозир 90 дақиқа учун 2-3миллион евро тўлаш - тўғри эмас. Аммо ҳомий топилса, буни кўриб чиқишимиз мумкин.

Ўртоқлик учрашувлари учун пул тўлаш тез-тез учраб туради. Баъзи ҳолларда учиш ва гонорарлар тўланади. Ўтган йилларда бизнинг термамизга ҳам ўртоқлик ўйинлари ўтказиш учун пул тўлашган. Агар адашмасам, гонорар ҳам тўлашган. Албатта, Аргентина ёки Бразилиячалик эмас (кулади). Умуман олганда Бразилия ва Аргентина айни вақтда энг қиммат жамоалар, ундан сўнг Уругвай ва шу кабилар.

Чиқимни ҳам унутмаслик керак, гонорардан ташқари яшаш ва парвозларга ҳам тўлаш керак бўлади. Иқтисод шуни кўрсатяптики, бундай учрашувлар барча харажатларни оқлаган тақдирда ҳам, уни ташкиллаштириш қийин", - дейди Мамедов.