Neftchi” – “Nasaf” bahsidan keyin o‘tkazilgan matbuot anjumanida qarshiliklar bosh murabbiyi Ro‘ziqul Berdiyev ishtirok etib, natijadan qoniqmagani haqida gapirdi.
Ro‘ziqul Berdiyev: “Birinchi o‘rinda futbol mavsumi bilan tabriklayman. Bahs ajoyib muhitda kechdi. “Istiqlol” stadionida avval ham mana shunday muhitda to‘p surganmiz.
Men o‘sha o‘yinni esladim. O‘sha uchrashuvda Farg‘ona jamoasini mag‘lub etgandik. Afsuski, bugun g‘alabaga erisha olmadik.
Natija o‘yinga mos bo‘ldi. Xar ikkala jamoa ham faqat g‘alaba uchun to‘p surdi. Golli vaziyatlar ko‘p bo‘ldi.
Biroq xech bir jamoa vaziyatlardan foydalana olmadi. Ochig‘i, natija meni qoniqtirmadi. Farg‘onaga g‘alaba uchun kelgandik. Endi e’tiborimizni OCHLdagi bahslarga qaratamiz”, - dedi Berdiyev.
