Нефтчи” – “Насаф” баҳсидан кейин ўтказилган матбуот анжуманида  қаршиликлар бош мураббийи Рўзиқул Бердиев иштирок этиб, натижадан қониқмагани ҳақида гапирди.

Рўзиқул Бердиев: “Биринчи ўринда футбол мавсуми билан табриклайман. Баҳс ажойиб муҳитда кечди. “Истиқлол” стадионида аввал ҳам мана шундай муҳитда тўп сурганмиз.

Мен ўша ўйинни эсладим. Ўша учрашувда Фарғона жамоасини мағлуб этгандик. Афсуски, бугун ғалабага эриша олмадик.

Натижа ўйинга мос бўлди. Хар иккала жамоа ҳам фақат ғалаба учун тўп сурди. Голли вазиятлар кўп бўлди.

Бироқ хеч бир жамоа вазиятлардан фойдалана олмади. Очиғи, натижа мени қониқтирмади. Фарғонага ғалаба учун келгандик. Энди эътиборимизни ОЧЛдаги баҳсларга қаратамиз”, - деди Бердиев.