«Yuventus» klubi yarim himoyachisi Blez Matyuidi «PSJ»dan ketishi borasida fikr bildirib o‘tdi.
«Batafsil to‘xtalib o‘tirmayman, ammo bu borada Neymar bilan suxbatlashdim. Shuningdek Dani Alves va Tyago Motta bilan ham uzoq gaplashdik. Qisqa qilib aytganda, ular jamoada qolishimni so‘rashdi. Chunki o‘yin salohiyatimdan tashqari, men Parijda olti yil to‘p surdim va bu klubni yaxshi bilaman.
Ammo men o‘z tanlovimda qoldim. Faoliyatingni oxirida boshqa mamlakat chempionatida o‘zingni sinab ko‘rmaslik, keyinchalik afsuslanishga olib kelishi mumkin. Bu juda katta tajriba.
«PSJ»da o‘ynash mening orzuim edi. Men Parijda ajoyib damlarni o‘tkazdim. Mening do‘stlarim yaqin og‘a-inilarimga aylanishdi. Ketayotganimda yig‘ladim. Xammasi tugadi, deyish juda og‘ir bo‘ldi. Ammo men bundan zarracha afsusda emasman», — deydi Matyuidi.
