“Manchester Siti” klubi bosh murabbiyi Xosep Gvardiola “Chelsi”ga qarshi o‘yindan so‘ng fikrlarini bildirib o‘tdi.
“Bugun biz juda ham kerakli va muhim bo‘lgan g‘alabani qo‘lga kiritdik. Asosiy maqsadimiz sari yana oz qoldi. “Siti” yana to‘rtta o‘yinda g‘alaba qozonsa, muddatidan oldin chempion bo‘ladi. Barchasi o‘z qo‘limizda.
Bugun maydonda ajoyib o‘yin namoyish etdik. To‘pni yaxshi nazorat qila oldik va hujumlarda ham faol bo‘ldik. Agar qolgan o‘yinlarda ham mana shunday harakatlansak, ishonamanki, bundan kattaroq sovrinlarga ega chiqamiz”, - dedi Gvardiola.
