Rossiyada bo‘lib o‘tadigan futbol bo‘yicha jahon chempionati boshlanishiga 100 kun vaqt qoldi.
Shu munosabat bilan FIFA tashkilotining ijtimoiy tarmoqdagi rasmiy sahifasida ko‘plab futbol yulduzlari ishtirok etgan yangi rolik paydo bo‘ldi.
Shuningdek, mazkur rolikda Rossiya Federasiyasi prezidenti Vladimir Putin va FIFA prezidenti Janni Infantinolarni ham ko‘rish mumkin. Bu safar ikki rahbar o‘zgacha uslub, ya’ni to‘pni bir-biriga oshirishda o‘zlarini sinab ko‘rishdi.
Bundan tashqari, rolikda Diyego Maradona, Peter Shmeyxel, Ronaldo, Ueyn Runi, Diyego Forlan, Miroslav Kloze va David Trezege kabi mashhur futbolchilar ham qatnashishdi.
Lekin Janni Infantino va Vladimir Putinning harakatlari rolikdagi eng qiziqarli epizod bo‘lgani yaqqol ko‘rinib turibdi. Axir rahbarlar har kuni ham futbol o‘ynashmaydi, to‘g‘rimi?
Eslatib o‘tamiz, JCH–2018 final bosqichi 2018 yilning 14 iyun kunidan 15 iyul kuniga qadar Rossiyaning 11 shahri: Moskva, Sankt-Peterburg, Kazan, Sochi, Nijniy Novgorod, Samara, Kaliningrad, Yekaterinburg, Saransk, Volgograd va Rostov na-Donudagi 12 ta stadionda bo‘lib o‘tadi. Musobaqa startiga esa roppa-rosa 100 kun vaqt qoldi.