Yevropa chempionlar ligasining 1/8 finalidan o‘rin olgan “Liverpul” – “Portu” uchrashuvi yakuniga yetdi. Mazkur o‘yinning taqdiri deyarli Portugaliyada hal etib bo‘lingandi.
Ammo shunga qaramay, Yurgen Klopp shogirdlari bugun kuchli tarkib bilan maydonga tushishdi. Lekin negadir 90 daqiqa kechgan o‘yinda darvozalarga gol urilmadi va yakunda “Liverpul”ni qoniqtiradigan 0:0 hisobi qayd etildi.
Shu tariqa, “Real” PSJni Parijda mag‘lub etib, chorak finalga yo‘llanma olgan bo‘lsa, “qizillar” dastlabki o‘yindagi yirik g‘alaba evaziga musobaqadagi ishtiroklarini davom ettiradigan bo‘lishdi.
YECHL, nimchorak final.
Javob o‘yini.
Liverpul Angliya – Portu Portugaliya 0:0.
Liverpul – Karius, Gomes, Matip, van Deyk, Lovren, Moreno, Milner, Djan (Klavan, 80), Xenderson, Mane (Salax, 74), Firmino (Ingz, 62), Lallana.
Portu –Kasilyas, Pereyra, Felipe, Reyes, Diogu Dalot, Korona, Andre Andre (Serjiu Oliveyra, 62), Oliver Torres, Uoris (Rikardu Pereyra, 68), Brunu Koshta, Braimi, Abubakar (Gonsalu Pasiyensiya, 80).
Ogohlantirishlar:Andre Andre (34), Xenderson (59), Diogu Dalot (90).
Dastlabki uchrashuv: 5:0.
