Qarshi shahriga gastrol safari bilan bo‘lib turgan, taniqli xonanda va estrada yulduzi Munisa Rizayeva guruh a’zolari bilan kecha, 6 mart kuni “Markaziy” stadionga tashrif buyurdi.
Xonanda Qarshidagi stadionda yaratilgan sharoitlar bilan yaqindan tanishdi, deya yozadi “Nasaf” klubi Matbuot xizmati.
Munisa Rizayeva tashrif davomida klubi bosh menedjeri Shamil Yarulin bilan birga klubi qoshida tashkil etilgan muzey eksponatlarini ko‘zdan kechirdi.
Yarulin Rizayevaga “Nasaf” klubi tarixi va yutuqlari, shuningdek faxriy mehmonlar tashrifi haqida hikoya qilib bergan.
Shuningdek, Munisa Rizayeva “Nasaf”ning tashrif kitobiga o‘z tilaklarini yozib qoldirgan.
E’tiborlisi, taniqli xonanda – Munisa Rizayeva “Nasaf” bilan hamkorlik bo‘yicha kelishib oldi va unga klubning ishonchli hamkor yorlig‘i va esdalik sovg‘alari topshirildi.
