Қарши шаҳрига гастрол сафари билан бўлиб турган, таниқли хонанда ва эстрада юлдузи Муниса Ризаева гуруҳ аъзолари билан кеча, 6 март куни “Марказий” стадионга ташриф буюрди.
Хонанда Қаршидаги стадионда яратилган шароитлар билан яқиндан танишди, дея ёзади “Насаф” клуби Матбуот хизмати.
Муниса Ризаева ташриф давомида клуби бош менеджери Шамил Ярулин билан бирга клуби қошида ташкил этилган музей экспонатларини кўздан кечирди.
Ярулин Ризаевага “Насаф” клуби тарихи ва ютуқлари, шунингдек фахрий меҳмонлар ташрифи ҳақида ҳикоя қилиб берган.
Шунингдек, Муниса Ризаева “Насаф”нинг ташриф китобига ўз тилакларини ёзиб қолдирган.
Эътиборлиси, таниқли хонанда – Муниса Ризаева “Насаф” билан ҳамкорлик бўйича келишиб олди ва унга клубнинг ишончли ҳамкор ёрлиғи ва эсдалик совғалари топширилди.
