"Tottenhem" bosh murabbiyi Maurisio Pochettino YECHL 1/8 finalida "Yuventus"ga qarshi javob uchrashuvidan so‘ng (1:2, birinchi o‘yin - 2:2) fikrlari bilan o‘rtoqlashdi.
"Uch minutdan kamroq vaqt ichida biz ikkita gol o‘tkazib yubordik. Ikkita qo‘pol xato qilib, musobaqadan chiqib ketdik.
Har ikki o‘yinda ham ko‘prog‘iga loyiq edik. Men faxrni tuyyapman. Bugun fantastik futbol ko‘rsatdik va birinchi golgacha ustunlik qildik.
Albatta, ranjidik, ammo bu taraqqiyotning bir qismidir. Oldinga intilamiz, hafsalamiz pir bo‘lgani yo‘q.
Biz ko‘p vaziyatlar yaratdik va ko‘prog‘iga loyiq edik, ammo futbol - "loyiq edik"dan iborat emas ko‘proq gol urib, gol o‘tkazmaslik kerak.
"Yuventus" darvozamizga ikki-uch marta yaqinlasha oldi, xolos. Ular mahoratli, shuning uchun raqib xato qilganida albatta gol uradilar", - deydi Pochettino.
