"Тоттенҳэм" бош мураббийи Маурисио Почеттино ЕЧЛ 1/8 финалида "Ювентус"га қарши жавоб учрашувидан сўнг (1:2, биринчи ўйин - 2:2) фикрлари билан ўртоқлашди.
"Уч минутдан камроқ вақт ичида биз иккита гол ўтказиб юбордик. Иккита қўпол хато қилиб, мусобақадан чиқиб кетдик.
Ҳар икки ўйинда ҳам кўпроғига лойиқ эдик. Мен фахрни туйяпман. Бугун фантастик футбол кўрсатдик ва биринчи голгача устунлик қилдик.
Албатта, ранжидик, аммо бу тараққиётнинг бир қисмидир. Олдинга интиламиз, ҳафсаламиз пир бўлгани йўқ.
Биз кўп вазиятлар яратдик ва кўпроғига лойиқ эдик, аммо футбол - "лойиқ эдик"дан иборат эмас кўпроқ гол уриб, гол ўтказмаслик керак.
"Ювентус" дарвозамизга икки-уч марта яқинлаша олди, холос. Улар маҳоратли, шунинг учун рақиб хато қилганида албатта гол урадилар", - дейди Почеттино.
