«Liverpul» bosh murabbiyi Yurgen Klopp yarim himoyachi Filippe Koutinyoning «Barselona»ga ketgani jamoasiga ijobiy ta’sir qilganidan mamnun.

«Agar yetakchi o‘yinchi maydonga tushmasa, o‘yining ba’zan juda zo‘r chiqadi. To‘g‘ri, ko‘p hollarda bunday futbolchiga alohida ehtiyoj sezasan.

Koutinyo jamoamizda chin yetakchi edi. Deylik, harakatlar o‘xshamay qolsa, yigitlar to‘pni aynan unga uzatib, qandaydir yangi g‘oya kutishardi. Fil ketgach, ishni boshqacha yo‘lga qo‘yish, mas’uliyatni futbolchilar o‘rtasida teng taqsimlash kerakligini angladik.

Mana, bir necha haftadan buyon Koutinyosiz o‘ynamoqdamiz va futbolchilarning harakatlaridan bag‘oyat xursandman.

Zero, ular oldinga bir qadam tashladilar - bu Filippe transferining ijobiy ta’siri», - dedi Klopp.