“Napoli” klubi darvozaboni Pepe Reyna faoliyatini “Milan”da davom ettiradi.
Tomonlar o‘zaro kelishib olganliklari haqida Italiyaning yetakchi Gazzetta dello Sport va Sport Mediaset nashrlari xabar berishdi.
Ispaniyalik darvozabon shu yilning 30 iyun kuni “rossoneri”lar bilan erkin agent sifatida shartnoma imzolaydi. Reyna “Napoli” bilan shartnomani uzaytirmaslikka qaror qilgan.
“Milan” esa hozirdan Reyna bilan shartnoma imzolashi haqida FIFA qonunlariga ko‘ra, “Napoli”ni ham ogohlantirib qo‘ygan.
“Milan” 35 yoshli darvozabon bilan 3 yillik shartnoma imzolaydi va Pepening yillik maoshi 3 million yevroni tashkil etadi.
