Bugun Janubiy Koreyaning Pxyonchxan shahrida XII qishki Paralimpiya o‘yinlari boshlandi.
18 martgacha davom etadigan ushbu sport bayramida dunyoning 49 ta mamlakatidan 570 nafarga yaqin paralimpiyachi ishtirok etadi. Sportchilar 6 hil sport turi bo‘yicha 80 ta medallar jamlanmasi uchun kurash olib boradilar.
Ma’lumot uchun, mazkur o‘yinlarda o‘zbekistonlik sportchi Yoqutxon Holbekova ham ishtirok etadi.
U chang‘i poygalari bahsida yurtimiz sharafini himoya qiladi. Hamyurtimizning ilk starti 12 mart kuniga mo‘ljallangan. O‘sha kuni Yoqutxon 15 km masofaga bo‘ladigan chang‘i poygalarida qatnashadi. 14 mart kuni u 1,5 km masofali sprint bahslarida ishtirok etadi. 17 mart kuni esa Xolbekova 7,5 km masofaga klassik poyga bahslarida o‘z omadini sinab ko‘radi.
