Бугун Жанубий Кореянинг Пхёнчхан шаҳрида XII қишки Паралимпия ўйинлари бошланди.

18 мартгача давом этадиган ушбу спорт байрамида дунёнинг 49 та мамлакатидан 570 нафарга яқин паралимпиячи иштирок этади. Спортчилар 6 ҳил спорт тури бўйича 80 та медаллар жамланмаси учун кураш олиб борадилар.

Маълумот учун, мазкур ўйинларда ўзбекистонлик спортчи Ёқутхон Ҳолбекова ҳам иштирок этади.

У чанғи пойгалари баҳсида юртимиз шарафини ҳимоя қилади. Ҳамюртимизнинг илк старти 12 март кунига мўлжалланган. Ўша куни Ёқутхон 15 км масофага бўладиган чанғи пойгаларида қатнашади. 14 март куни у 1,5 км масофали спринт баҳсларида иштирок этади. 17 март куни эса Холбекова 7,5 км масофага классик пойга баҳсларида ўз омадини синаб кўради.