Angliya chempionatining 30-turi doirasida «Arsenal» o‘z uyida «Uotford»ni qabul qildi va yirik hisobda g‘alaba qozondi.

Mezbonlar bahsning 8-daqiqasida Mustafi tomonidan urilgan gol evaziga hisobni ochishdi. Ikkinchi bo‘limda esa Obameyang hisobdagi farqni oshirdi. Oradan 3 daqiqa o‘tib mehmonlar penalti tepish huquqiga ega bo‘lishdi, ammo Troy Dini 11 metrli jarima zarbasidan samarali foydalana olmadi.

Genrix Mxitaryan esa "Arsenal"ning uchinchi goliga mualliflik qilib, "kanonirlar"ning yirik hisobda g‘alaba qozonishini ta’minladi. Ushbu g‘alabadan keyin Venger shogirdlari 48taga yetkazishdi. Jamoa 6-o‘rinda mustahkam joylashib olgan.

APL, 30-tur
Arsenal – Uotford 3:0 (1:0, 2:0)
Gollar: 1:0 – 8 Mustafi, 2:0 – 59 Obameyang, 3:0 – 77 Mxitaryan.
Arsenal – Chex, Xolding, Mustafi (CHembers, 73), Kolashinas, Meytlend-Naylz, El-Nenni, Jaka, O‘zil, Mxitaryan (Uilsher, 78), Ivobi (Uelbek, 66), Obameyang.
Uotford – Karnezis, Mariappa, Predl, Xolebas, Femeniya (Xyuz, 62), Pereyra (Okaka Chuka, 67), Kapu, Risharlison, Dukure, Yanmat (Britos, 80), Dini.
Ogohlantirishlar: Mustafi (55), Xolebas (66), Jaka (90).