Turinning “Yuventus” klubi vise–prezidenti Pavel Nedved YECHLdagi raqibi “Real” haqida fikrlarini bildirib o‘tdi.

“Biz juda murakkab raqibga to‘g‘ri keldik. “Real” o‘tgan mavsum menda juda yorqin tassurot qoldirdi. Menimcha, o‘yin yuqori tempda o‘tadi.

Afsuski Pyanich va Benatiya bu uchrashuvni diskvalifikasiya tufayli o‘tkazib yuborishadi. Lekin, o‘yin har doim 0:0 hisobidan boshlanadi. Biz ajoyib mavsumni boshimizdan kechiryapmiz.

Endi Dibalaning vaqti keldi barchasi unga bog‘liq. Paulo tarixni o‘zgartira oladigan futbolchilar sirasiga kiradi. O‘tgan mavsumdagi xatolarimizni o‘rganib chiqamiz. “Real” ustidan g‘alaba qozonish oson bo‘lmaydi ammo buni uddalasa bo‘ladi”, - deydi Nedved.