“Trabzonspor” hujumchisi Burak Yilmaz olti nafar klubdoshining oylik maoshini o‘z yonidan to‘ladi. Bu haqida Turkiyaning “Sondakika” nashri xabar bermoqda.

Unda yozilishicha, anchadan beri “Trabzonspor” klubi futbolchilariga maosh va mukofot pullarini bermayotgan ekan.

Moliyaviy qiyinchilikka duch kelgan legionerlar  bu haqda FIFA tashkilotiga murojaat qilishlarini bildirganida, turkiyalik hujumchi jamoadoshlarini to‘xtatib qolgan.

Ularga qancha mablag‘ keraligini so‘rab, o‘z kissasidan 240 ming yevro sanab bergan.  Ushbu futbolchilarning kimligi haqida Yilmaz ma’lumot berishni xohlamagan.

Shuningdek, u  “Trabzonspor”ning kolumbiyalik legioneri Fabinio Kastilioga ham “jamoamiz ustidan shikoyat etma. Hozircha sen uchun kerakli mablag‘ni berib turay. Qancha istaysan?”, deb so‘ragan. Kolumbiliya futbolchi esa Yilmazning taklifini rad etgan.

Darvoqe, buni qarangki, Xitoy chempionatidan Turkiyaga qaytib, “Trabzonspor” sharafini himoya qilayotganidan buyon Burak Yilmazning o‘zi ham haligacha maosh olmasdan futbol o‘ynamoqda.