Italiya chempionatining 29-turi doirasida bo‘lib o‘tgan o‘yinda kutilmagan natija qayd etdi. "Yuventus" klubi safarda SPAL mehmoni bo‘ldi.

"Keksa sinyora" butun o‘yin davomida o‘z darvozasi daxlsizligini saqlab qoldi, ammo o‘zi ham raqib darvozasiga yo‘l topa olmadi — 0:0. Bahs avvalida Allegri shogirdlari raqibni biroz mensimasdan harakat qilgan bo‘lsa, ikkinchi taymda ular o‘z o‘yinlarini kuchaytirishdi. Ammo SPAL ishonchli himoyalanishga muvaffaq bo‘ldi.

Ushbu durangdan keyin "Yuve" hisobidagi ochkolar soni 75taga yetdi. 70 ochko bilan 2-o‘rinda borayotgan "Napoli" bugun "Jenoa"ni mag‘lub etsa, turinliklar farqni qisqartirib oladi.

Italiya A seriyasi, 29-tur
SPAL – Yuventus 0:0 (0:0, 0:0)
18 mart, 00.45, «Stadio Paolo Mazza»
SPAL – Meret, Chonek, Vikari, Felipe, Ladzari, Kurtich, Skyattarella, Grassi, Kosta (SHimich, 90), Paloski (Bilyer, 82), Antenuchchi (Flokkari, 89).
Yuventus – Buffon, De Shilyo, Rugani, Kyellini (Bardzali, 81), Asamoa (Mandjukich, 64), Pyanich, Matyuidi (Bentankur, 84), Duglas Kosta, Dibala, Aleks Sandro, Iguain.
Ogohlantirishlar: Kurtich (32), Skyattarella (60), Kosta (66), Duglas Kosta (69), Pyanich (79), Bilyer (85).