"Zenit" bosh murabbiyi Roberto Manchini boshqa ligalarda ishlagisi kelayotganini ma’lum qildi. Italiyalik mutaxassis avvalroq Italiya terma jamoasini boshqarish haqida og‘iz ochgan edi.
Manchini 2009 dan 2013 yilgacha "Manchester Siti"ni boshqargan. "Shaharliklar" uning qo‘l ostida 2012 yilda Angliya chempioni bo‘lgan edilar.
"Boshqa ligalarda ishlashni istardim, APL - eng go‘zal chempionat. Men ANgliyaga qaytgan bo‘lardim, ammo anchadan beri hech narsa yutmagan jamoaga. Doim g‘olib bo‘ladigan jamoalar meni qiziqtirmaydi.
APL - zo‘r liga, futbolchilar o‘yinlarda va mashg‘ulotlarda bor kuchlarini ishga soladilar. Angliyada stadionlar doim to‘la bo‘ladi, bu qo‘shimcha motivasiya beradi. Premyer-liganing o‘ziga tortadigan narsasi - uning globalligidir, u butun dunyoda mashhur", - deydi Manchini.
