"Зенит" бош мураббийи Роберто Манчини бошқа лигаларда ишлагиси келаётганини маълум қилди. Италиялик мутахассис аввалроқ Италия терма жамоасини бошқариш ҳақида оғиз очган эди.
Манчини 2009 дан 2013 йилгача "Манчестер Сити"ни бошқарган. "Шаҳарликлар" унинг қўл остида 2012 йилда Англия чемпиони бўлган эдилар.
"Бошқа лигаларда ишлашни истардим, АПЛ - энг гўзал чемпионат. Мен АНглияга қайтган бўлардим, аммо анчадан бери ҳеч нарса ютмаган жамоага. Доим ғолиб бўладиган жамоалар мени қизиқтирмайди.
АПЛ - зўр лига, футболчилар ўйинларда ва машғулотларда бор кучларини ишга соладилар. Англияда стадионлар доим тўла бўлади, бу қўшимча мотивация беради. Премьер-лиганинг ўзига тортадиган нарсаси - унинг глобаллигидир, у бутун дунёда машҳур", - дейди Манчини.
