Superliganing 4-turini jamoamiz o‘z maydonida , Namanganning "Navbahor" jamoasiga qarshi o‘tkazadi.
"Vodiy derbisi" 31-mart kuni Qo‘qondagi "Markaziy" stadionida bo‘lib o‘tadi. Bu uchrashuvni bayramona tarzda o‘tkazish uchun stadionimizda juda katta tayyorgarlik ishlari olib borilmoqda.
"Markaziy" stadion "vodiy derbi"siga to‘liq tayyor. Stadion yoritkichlarining hozirgi holati, talab qilingan 1200 lyuksdan ham yuqori holatda.
Ayrim kimsalar bu o‘yinga Qo‘qondagi stadion tayyor emasligi uchun boshqa joyga ko‘chirilishi mumkin degan asossiz xabarlarni tarqatishmoqda.
Bunday yolg‘on xabarlarni tarqatayotgan kimsalar bizning do‘stlarimiz emas.
Qadrli muxlislarimizdan iltimos qilardikki, jamoamiz haqidagi har qanday xabarni, "Qo‘qon-1912" futbol klubiga qarashli ijtimoiy tarmoqlardagi sahifalarimiz orqali kuzatib boring.
