"Manchester Yunayted" klubi va Chili terma jamoasi hujumchisi Aleksis Sanches "Old Trafford"dagi moslashish jarayoni haqida so‘zladi.

29 yoshli futbolchi qishda "Arsenal"dan "Manchester Yunayted"ga o‘tgan edi. Hozirgacha 10 ta uchrashuvda 1 ta gol urdi va ikkita golga to‘p oshirdi.

"Men o‘zimga talabchanman, o‘zimdan ko‘p narsa kutgan edim. Bu yerga kelganimdan so‘ng yangi muhitga ko‘nikishim qiyin bo‘ldi. Hatto terma jamoaning o‘rtoqlik o‘yinlariga bormaslik haqida ham o‘yladim.

Daniya va Shvesiyaga qarshi o‘rtoqlik uchrashuvlariga bormaslik uchun ruxsat so‘radim, ammo, yaxshilab o‘ylab va Klaudio Bravo bilan suhbatlashganimdan so‘ng birgalikda harakat qilishimiz lozimligini angladim.

Klubni o‘zgartirish menga zo‘r bo‘lib ko‘rinar edi. Birinchi marta yanavarda klubimni o‘zgartirdim. Ammo bu oson narsa emas ekan", - deydi Sanches.