"Манчестер Юнайтед" клуби ва Чили терма жамоаси ҳужумчиси Алексис Санчес "Олд Траффорд"даги мослашиш жараёни ҳақида сўзлади.
29 ёшли футболчи қишда "Арсенал"дан "Манчестер Юнайтед"га ўтган эди. Ҳозиргача 10 та учрашувда 1 та гол урди ва иккита голга тўп оширди.
"Мен ўзимга талабчанман, ўзимдан кўп нарса кутган эдим. Бу ерга келганимдан сўнг янги муҳитга кўникишим қийин бўлди. Ҳатто терма жамоанинг ўртоқлик ўйинларига бормаслик ҳақида ҳам ўйладим.
Дания ва Швецияга қарши ўртоқлик учрашувларига бормаслик учун рухсат сўрадим, аммо, яхшилаб ўйлаб ва Клаудио Браво билан суҳбатлашганимдан сўнг биргаликда ҳаракат қилишимиз лозимлигини англадим.
Клубни ўзгартириш менга зўр бўлиб кўринар эди. Биринчи марта янаварда клубимни ўзгартирдим. Аммо бу осон нарса эмас экан", - дейди Санчес.
