O‘zbekiston terma jamoasi va «Lokomotiv» himoyachisi Islom To‘xtaxo‘jayev Senegal va Marokash terma jamoalariga qarshi o‘rtoqlik uchrashuvlari oldidan o‘z fikrlari bilan o‘rtoqlashdi.
«Kuchli terma jamoalarga qarshi qanchalik ko‘p o‘ynasak, shunchalik tajribamiz ortadi. Kuchli futbolchilarga qarshi o‘yinlar rivojlanishimiz uchun yordam beradi va o‘zbek futboli uchun faqat va faqat foyda beradi.
Hozircha asosan Senegal terma jamoasiga qarshi o‘yinga tayyorgarlik ko‘rmoqdamiz. Sababi Marokash bilan o‘yingacha hali vaqtimiz bo‘ladi. Tayyorgarlikni Toshkentdayoq boshlagandik. Keyin Istanbulda legionerlarimiz ham qo‘shilib to‘liq tarkibda shug‘ullandik.
Tayyorgarlik asosan nazariy mashg‘ulotlarni o‘z ichiga olmoqda. Senegal qanday futbol ko‘rsatadi, qanday hujum qiladi va qanday himoyalanadi. Shularni to‘liq o‘rganib chiqdik», deya gapirib o‘tdi To‘xtaxo‘jayev UzReport telekanaliga bergan intervyusida.
