“Real” ustozi Zinedin Zidan Iskoning so‘zlariga javob qaytardi. Isko Argentinaga qarshi o‘yindan keyin “Real”ning asosiy tarkibidan joy olishiga nima to‘sqinlik qilayotganini bilmasligini aytgandi.
“Men Iskoga adolatsizlik qilmaganman. Buni o‘zi ham biladi. U “Real”da baxtli. To‘g‘ri, Isko klubda Ispaniya terma jamoasidagi kabi o‘ringa ega bo‘la olmasligi mumkin, ammo men unga doim “Real” uchun muhim futbolchi ekanligini aytganman. Iskoning Argentinaga qarshi o‘yinini ko‘rdim, xursandman”, dedi Zidan.
