31 mart - 1 aprel kunlari Olma-Ota shahrida karate bo‘yicha Qozog‘iston ochiq chempionati bo‘lib o‘tdi. Musobaqada dunyoning turli mamlakatlaridan tashrif buyurgan sportchilar qatorida o‘zbekistonlik yosh karatechilar ham ishtirok etishdi.

Hamyurtlarimiz mazkur turnirda to‘qqizta medal qo‘lga kiritishga muvaffaq bo‘lishdi. Ularning 3tasi oltin, 1tasi kumush va 5tasi bronza medallari ekanligini qayd etib o‘tishimiz lozim. Musobaqa yakunlariga ko‘ra sovrindorlar safidan joy olgan o‘zbekistonlik sportchilar ro‘yxati quyidagicha ko‘rinish oldi:

Oltin:

-60kg: Bekzod Tuyg‘unov (Buxoro)

-48kg: Nargiza Murtazoyeva (Qoraqalpog‘iston Respublikasi)

-53kg: Dildora Aliqulova (Surxondaryo)

Kumush:

-48kg: Nargiza Tohirova (Toshkent)

Bronza:

-70kg: Islomjon Sattorov (Andijon)

+84kg: Bekzod To‘yev (Buxaro)

-57kg: Shaxinabonu Kazakova (Andijon)

-59kg: Bonu Egamberdiyeva (Qashqadaryo)

+59kg: Sevara Jumaniyozova (Samarqand)

Ta’kidlab o‘tish lozimki, joriy yilda yosh karatechilarimizni muhim musobaqalar kutib turibdi. Qozog‘istondagi turnir ularga Okinava (YAponiya)da o‘tkaziladigan Osiyo chempionati, shuningdek, Sofiya (Bolgariya) va Umag (Xorvatiya) da bo‘lib o‘tadigan yoshlar ligasi bahslariga tayyorgarlik bosqichi vazifasini bajarib berdi.