"Barselona" YECHL chorak finalining birinchi o‘yinida "Roma"ni yirik hisobda mag‘lub etdi (4:1).

Kataloniyaliklarning ikkita golini mehmonlarning o‘zlari urishdi. Daniele de Rossi va Kostas Manolas avtogol muallifi bo‘ldilar. Bular ushbu mavsumda "Barselona" raqiblarining YECHLdagi to‘rtinchi va beshinchi avtogollari bo‘ldi.

Bungacha bir jamoa foydasi uchun avtogollar bu qadar ko‘p bo‘lmagan edi. 2002/03-mavsumda "Inter" raqiblari to‘rt marta o‘z darvozalariga to‘p kiritishgan.

Bundan tashqari, "Barselona"ning YECHLdagi eng yaxshi to‘purari Lionel Messi bo‘lib turibdi - 6 ta gol. Avtogollar ikkinchi o‘rinda.