"Барселона" ЕЧЛ чорак финалининг биринчи ўйинида "Рома"ни йирик ҳисобда мағлуб этди (4:1).
Каталонияликларнинг иккита голини меҳмонларнинг ўзлари уришди. Даниэле де Росси ва Костас Манолас автогол муаллифи бўлдилар. Булар ушбу мавсумда "Барселона" рақибларининг ЕЧЛдаги тўртинчи ва бешинчи автоголлари бўлди.
Бунгача бир жамоа фойдаси учун автоголлар бу қадар кўп бўлмаган эди. 2002/03-мавсумда "Интер" рақиблари тўрт марта ўз дарвозаларига тўп киритишган.
Бундан ташқари, "Барселона"нинг ЕЧЛдаги энг яхши тўпурари Лионель Месси бўлиб турибди - 6 та гол. Автоголлар иккинчи ўринда.
