“Qizilqum”- “Bunyodkor” (0:1) uchrashuvidan keyin o‘tkazilgan matbuot anjumanining ikkinchi qismida “Qizilqum” bosh murabbiyi Hamidjon Aktamov o‘yin haqidagi fikrlarini bildirib o‘tdi.
-Uchrashuv qiziqarli kechdi. G‘alaba har ikkala jamoaga ham zarur edi. Bugun ham o‘tgan uchrashuvdagi singari g‘olib chiqib, muxlislarni xursand etishni istagandik. Ammo teng kechgan bellashuvda omad raqibga kulib boqdi. Umuman yaratilgan vaziyatlardan foydalanganimizda, g‘alabaga erishishmiz ham mumkin edi. O‘tgan turda Alisher Sanoyev jarohat olgandi, bugun Grigalashvili o‘yinni oxirigacha davom ettirolmay, maydonni tark etdi. Ikkinchi o‘yindirki jamoamizning yetakchisi va sardori Erkin Boydullayev jarohati bois yordam bera olmayapti. Albatta yetakchi futbolchilarimizning yo‘qligi bugun bizga judayam bilindi. Kamida ochko olishimiz kerak bo‘lgan o‘yin oxirida gol o‘tkazib, alamli mag‘lubiyatga uchradik.
“Qizilqum” Matbuot xizmati.
