“Bavariya” ustozi Yupp Xaynkessning aytishicha, jamoasi navbatdagi turda g‘alaba qozonib, chempionlikni qo‘lga kiritgan taqdirda ham buni nishonlamaydi.
“Biz navbatdagi turda g‘alaba qozonib, chempionlikni rasmiylashtirishimiz shart. Ammo g‘oliblikni faqat mavsum yakunlangach nishonlaymiz. Chunki oldimizda Chempionlar ligasi va Germaniya kubogi o‘yinlari turibdi. Tushunaman, yigitlar 2013 yildagi kabi muddatidan oldin bayram qilishni istashadi. Ammo bizni oldinda muhim o‘yinlar kutib turibdi, shu bois men bayramni bekor qilaman”, dedi Xaynkess.
