Qatorasiga oltinchi marta Germaniya chempionligini qo‘lga kiritgan "Bavariya" ustozi Yupp Haynkes jamoaning sobiq bosh murabbiyi Karlo Anchelottini xizmatlarini unutmadi.
"Murabbiylar umumiy va butunlay ma’suldirlar, ammo futbolchi lar birinchi o‘rindagi qag‘ramonlardir. Bizda juda yaxshi jamoa bor. Hamma o‘z ishini bajaradi. Bu muvaffaqqiyatning kalitidir. Kiyinish xonasiga kirganimizda u yerda musiqa yangrayotgan edi. Bu zafarni nishonlashga hamma haqli. Futbolchilik vaqtimda chempionlik eng asosiy voqea edi.
Karlo Anchelottiga salom yo‘llamoqchiman. U mavsum boshida jamoani boshqargan edi, uni chempionlik bilan chin yurakdan tabriklamoqchiman. U nafaqat qoyilmaqom murabbiy, balki, qoyilmaqom inson hamdir", - deydi Haynkes.
Eslatib o‘tamiz, Anchelotti 2016dan 2017 yilgacha myunxenliklarni boshqargan. Kuzda o‘z o‘rnini Haynkesga bo‘shatib bergan edi.
