Farrux Zokirov bosh murabbiyligidagi “Neftchi” futzalchilari mamlakat chempionatining 2-turini Farg‘onada o‘tkazishdi. “Lokomotiv”ga qarshi bellashuvda Zokirov shogirdlari 2:1 hisobida irodali g‘alabani qayd etganliklari haqida xabar berib o‘tgandik. Ikkinchi javob bahsi esa umuman o‘zgacha suratda kechdi deyish mumkin. Sababi 7 aprel oqshomidagi navbatdagi o‘yinda farg‘onaliklik futzalchilar raqib darvozasini 10 marta aniq nishonga olishdi. Gollar shousida mehmonlar 2 marotaba o‘z hisoblariga gol yozdirib qo‘yishdi. Yakuniy hisob 10:2. “Neftchi” xar ikki bahsda ham “Temiryo‘lchilar”dan ustun keldi. Mezbonlar murabbiyi Boburbek Madaminov bahsdan so‘ng klub matbuot xizmatiga intervyu berdi

-  “Lokomotiv” futzalchilari chempiontdagi eng kuchli raqiblardan biri sanaladi. Tezkor gollar xar doim muhim. Ortda qolgan bellashuvda bu bizga katta yordam berdi. Farg‘onada birinchi bor o‘yin o‘tkazdik. Uchrashuvni bevosita klub rahbariyati va muxlislar kuzatib borishgani sababli biroz xayajon bosdi. Hayajon bo‘lgani bir tarafdan yaxshi, chunki mas’ulyatni his qilgan insonda xayajon kuzatiladi. Yangi mavsum oldidan tarkibimizni kuchaytirdik. Yuqori maqsadlarni o‘z oldiga qo‘ygan “Neftchi” ko‘plab tajribali o‘yinchilarni o‘z safiga jalb qilgan. Sovrinlar o‘rinlar uchun kurashmoqchimiz. Bizni qo‘llab-quvvatlab turgan barchaga rahmat – dedi Boburbek Madaminov

Futzalchilarimizni yana bir raqobat kutib turibdi. Jamoa 3-turda Buxoroda mehmon bo‘ladi. 11-12 aprel kunlari “Buxoro” futzal jamoasi Vodiy klubini qabul qiladi. Ayni paytda farg‘onaliklar bo‘lajak o‘yinga qizg‘in hozirlik ko‘rishmoqda. 

Hojiakbar Jabborov