Bugun butun o‘zbek futboli jamoatchiligi diqqat markazida Qarshidagi "Markaziy" o‘yingohda o‘tadigan uchrashuv bo‘ladi.
Unda "Lokomotiv" yurtimizning yana bir grand klubi – "Nasaf" qarshiligini yenggishga urinib ko‘radi. Bugun togda mazkur uchrashuv oldidan har ikki jamoa rasmiylari ishtirokida yig‘ilish bo‘lib o‘tdi. Unda tomonlar o‘yin atrofidagi tashkiliy masalalarni muhokama etishdi. Shuningdek, qaysi klub qanday libosda maydonga chiqishini aniqlab olindi.
"Lokomotiv" uchrashuvni oq-yashil-oq libosda o‘tkazadigan bo‘ldi. Jamoa darvozaboni to‘liq qora rangdagi formada maydonga chiqadi. Mezbonlar esa to‘liq ko‘k rangli formadan foydalanishadi. "Nasaf" darvozaboni egnida esa yashil rangdagi libos bo‘ladi.
Ta’kidlab o‘tamiz, 6-turning markaziy bahsi soat 20:00da start oladi.
