“Liverpul” klubi bosh murabbiyi Yurgen Klopp qur’a natijalaridan so‘ng o‘z fikrlarini bildirib o‘tdi.

“Tushunib turibman, hozir qandaydir antiqa gap gapirishim kerak. Xuddi bizga “Bavariya”, yoki “Real” to‘g‘ri kelmasdan, xursand bo‘lib, “Roma”ga qarshi tushganimizdan raqsga tushib o‘ynashimiz kerakligini istayotganingizdek.

Bu shunchaki qur’a va albatta, o‘ziga yarasha his hayajonlarga boy, lekin bu asosiy faktor emas. Asosiysi biz musobaqada yurishimizni davom ettiramiz.

Qanday raqib tushganidan qat’iy nazar, imkoniyat bo‘ladi. Chunki bu futbol, shuning uchun “Roma”ga qarshi uchrashuvda ham imkoniyatimiz yetarli bo‘ladi”, - dedi Klopp.