"Manchester Siti" bosh murabbiyi Xosep Gvardiola jamoasining chempionlar ligasidagi o‘yinlari haqida mulohazalarini bildirdi.

"Biz ikkita o‘yinda ikkita toza gol urgan edik, endi esa "Real" - "Yuventus" o‘yinidagi penaltini muhokama qilyapsizlar. Bunday o‘yinlarda bu katta rol o‘ynaydi. Bunga har bosqichda guvoh bo‘lish mumkin, ikir-chikirlarning ta’siri katta. Jamoalari sifati yuqori.

Bu mavsumda chempionlar ligasida yaxshi qatnashdik, kelasi yilda yanada kuchliroq bo‘lib qaytishga harakat qilamiz. Nimanidir boy berganimiz yoki istagan narsamizni bajara olmaganimiz hissini tuymayapman. Biz ilgari siljidik.

Agar natijaga qarab baho beradigan bo‘lsangiz, yaxshi, baho beravering. Hatto "Enfild"dagi mag‘lubiyatda ham biz yaxshi o‘ynagan edik. "MYU"ga qarshi ham, "Liverpul"ga qarshi javob uchrashuvida ham top-o‘yinni ko‘rsatdik.

"Manchester Siti"da qoyilmaqom o‘yinchilar o‘ynaydi. Chempionlar ligasidan chiqib ketganimiz qayg‘uli, ammo buning qanday sodir bo‘lganini eslash yanada qayg‘uliroq", - deydi Gvardiola.