O‘zbekiston Superligasi klublari matbuot kotiblari Rossiyaning “Krasnodar” klubi bilan hamkorlikda tashkil etilgan o‘quv seminarida ishtirok etmoqda.
Klublar matbuot kotiblari ushbu seminarda ishtirok etish uchun kecha Rossiyaning Krasnodar shahriga yetib borishgan edi. Bugun rejaga ko‘ra, seminar ishtirokchilari klub akademiyasiga tashrif buyurib, bu yerdagi sharoitlar, klub tizimi, klub matbuot xizmati faoliyati bilan tanishdi.
Rejaga ko‘ra, bugun kunning birinchi yarmida, matbuot kotiblar Krasnodar hamda Tulaning Arsenal klublari yoshlari o‘rtasidagi uchrashuvni tomosha qilishsa, bugun kechqurun asosiy tarkiblari o‘rtasidagi uchrashuvni stadiondan tomosha qilishadi va uchrashuvdagi media tadbilar qay tartibda o‘tkazilishini o‘rganishadi.
