Superliganing 7-turidan o‘rin olgan “Navbahor” – “Bunyodkor” bahsi yakuniga yetdi. Uchrashuv 2:1 hisobida mezbonlarning g‘alabasi bilan bilan yakunlandi. 

Dastlab, 13-daqiqada “Bunyodkor” himoyachisi Rustam Ashurmatov burchak to‘pidan uzatilgan to‘pni boshi bilan “Navbahor” darvozasiga joylab qo‘ydi.

Birinchi bo‘limning qolgan daqiqalari hujumkor o‘tdi, lekin jamoalar gol urish uddasidan chiqmadi. Ikkinchi bo‘lim kutilganidan ham hujumkor ruhda boshlandi. Natijada, 58-daqiqaga kelib, mezbonlar hisobni tenglashtirdi.

Gol muallifi “Navbahor”ning serbiyalik legioneri Nenad Inas bo‘ldi. O‘yinga qo‘shib berilgan 4 daqiqa davomida “Navbahor” hujumlari sonini tobora oshirib bordi.

So‘nggi soniyalar o‘tib borayotgan bir vaqtda, jarima zarbasidan uzatilgan to‘pni mezbonlar himoyachisi Jahongir Mehmonov darvozaga yo‘llab, “Navbahor”ni oldinga olib chiqdi va shu tariqa, namanganliklar sensasiya qayd etib, “Bunyodkor” ustidan irodali g‘alabaga erishishdi.

Ma’lumot uchun, “Navbahor” ushbu g‘alabadan so‘ng ochkolari sonini 11 taga yetkazdi va 5-o‘ringa ko‘tarildi, “Bunyodkor” esa 16 ochko bilan hamon turnir peshqadami bo‘lib turibdi.

Superliga. 7-tur.

“Navbahor” – “Bunyodkor” 2:1. (0:1).

Gollar: Nenad Inyas (58), Jahongir Mehmonov  – Rustam Ashurmatov (13).

“Navbahor”: Botirali Ergashev, Oston O‘runov, Ayubxon No‘’monov (Sardor Sulaymonov, 58), Azizbek Turg‘unboyev, Nenad Inyas (Behruz Sa’dilloyev, 90), Mirzohid G‘ofurov, A’zam Aliyev, Davron Hoshimov, Jahongir Mehmonov, Tomislav Payovich (Zohir Pirimov, 46), Darko Stanoyevich.

“Bunyodkor”: Suhrobjon Sultonov, Rustam Ashurmatov (Islom Qobilov, 42), Akrom Komilov, Anvar G‘ofurov, Javlon Ibrohimov, Shahzodbek Nurmatov (Filip Rayevas, 79), Sardor Sobirxo‘jayev, Mirjamol Qosimov (Davron Umirov, 64), Murodjon Toshmatov, Xurshid G‘iyosov, Mirg‘iyos Sulaymonov.

Ogohlantirishlar: Akrom Komilov 33, Oston O‘runov 48, Nenad Inyas 58, Mirg‘iyos Sulaymonov 70, Jahongir Mehmonov 80.